Təlim strategiyaları
Hər dövrün dəyişkən, özünəməxsus tələbinə
uyğun, istənilən dəyişikliyə (xüsusilə informasiya
dəyişikliyinə) adaptasiya qabiliyyəti yüksək, öz üzərində işləməyi bacaran, öyrənməyi
öyrənən, fəaliyyətində müasir texnologiyalar və dövrün tələbinə uyğun mümkün yenilikləri
tətbiq edən, yüksək mənəvi keyfiyyətlərə və dünyəvi dəyərlərə malik şəxsiyyət yetişdirmək
cəmiyyətin başlıca problemlərindən biridir. Qloballaşmanın vüsət aldığı informasiya
cəmiyyətində şəxsiyyətin yetişməsində genetika və mühitlə yanaşı təhsilin də rolu
böyükdür. Təhsil nəinki ölkədaxili ziyalı mühitin formalaşmasına xidmət edir, eyni
zamanda beynəlxalq aləmdə də ölkənin rolunu müəyyən edən əsas amillərdən biri kimi
öz ağırlığını saxlayır. Birləşmiş Millətlər Təşkilatının «Təhsil əsri»
kimi elan etdiyi XXI əsrin əsas xüsusiyyətləri təhsilin inkişafına da öz təsirini
hiss etdirməkdədir. Ümummilli liderimiz Heydər Əliyev deyirdi: «Həyat böyük bir
prosesdir. Bu prosesdə uğurla iştirak etmək
üçün insan müasir tələblərə uyğun təhsilə malik olmalıdır, Təhsil də daim təkmilləşdirilməlidir.
Bütün bunlar Azərbaycanın təhsil işçilərinin
üzərinə düşən vəzifələrdir». Elə bu fikri rəhbər tutaraq «müasir dövrün tələbinə
cavab vermək», «dünya təhsilinə inteqrasiya etmək» və sairə kimi məqsədləri özündə
cəmləşdirən Təhsil islahatları həyata keçirilməyə başladı. Bu islahatlarının nəticəsidir ki, ilk əvvəl təhsilin quruluşunda təməlli
dəyişikliklər oldu. Təhsil pillələri Məktəbəqədər təhsil pilləsi, Ümumi təhsil
pilləsi, Ali təhsil piləsi olaraq
formalaşdırıldı. Müstəqil Azərbaycan Respublikasının təhsil tarixində ilk dəfə 2006-cı ildə «Azərbaycan Respublikasında ümumi təhsilin konsepsiyası (Milli Kurikulumu)» adlı sənəd hazırlandı və təklif və rəylər nəticəsində yenidən nəzərdən keçiriliən fənn kurikulumları 2007-ci ildə təsdiq olundu. İbtidai təhsil səviyyəsi üzrə ibtidai təlimin məzmunu və təşkili ilə bağlı zəruri məsələləri özündə əks etdirən təsdiq olunmuş konsepsiya artıq tətbiq olumağa başladı. Milli Kurikulumun tərkib hissəsi olub, ənənəvidən fərqli olaraq mövzular yox, ayrılıqda hər bir fənnin məqsədini, məzmununu, siniflər üzrə təlim nəticələrini, təlim strategiyalarını, şagird nailiyyətlərinin qiymətləndirilməsini özündə əks etdirən Fənn Kurikulumunun Ümumi təhsil pilləsinin ümumi orta təhsil səviyyəsində tətbiqinə bu ildən start verildi. Ənənəvi təhsildən şəxsiyyətyönümlü, şagirdyönümlü, inteqrativlik və tələbyönümlü olmağına görə seçilən Müasir kurikulumun ən xarakterik xüsusiyyətlərindən biri onun nəticəyönümlü olmasıdır. Ənənəvi təhsil proqramının əsas məqsədi fənlərin tədrisi idisə, Müasir Kurikulumun əsas məqsədi bacarıq və vərdişlərə malik şəxsiyyət yetişdirməkdir və bu məqsəddə fənlər sadəcə məqsədə çatmaq üçün vasitədir. Həm də kurikulumda şagirdlərin sonda əldə edəcəyi nailiyyətlər əvvəlcədən təlim nəticələri formasında göstərilir və bütün strategiya həmin təlim nəticələrinə çatmaq üçün qurulur. Müasir Kurikulumun əsas məqsədi yaşadığı informasiya bolluğu ilə təchiz olunan cəmiyyətin tələblərinə cavab verən, tənqidi, məntiqi, yaradıcı təfəkkürə malik, özündə istənilən sahə üçün tətbiqi zəruri olan müəyyən bacarıq və vərdişləri formalaşdıran və daim öyrənən, özünü təkmilləşdirən şəxsiyyət formalaşdırmaqdan ibarətdir.
formalaşdırıldı. Müstəqil Azərbaycan Respublikasının təhsil tarixində ilk dəfə 2006-cı ildə «Azərbaycan Respublikasında ümumi təhsilin konsepsiyası (Milli Kurikulumu)» adlı sənəd hazırlandı və təklif və rəylər nəticəsində yenidən nəzərdən keçiriliən fənn kurikulumları 2007-ci ildə təsdiq olundu. İbtidai təhsil səviyyəsi üzrə ibtidai təlimin məzmunu və təşkili ilə bağlı zəruri məsələləri özündə əks etdirən təsdiq olunmuş konsepsiya artıq tətbiq olumağa başladı. Milli Kurikulumun tərkib hissəsi olub, ənənəvidən fərqli olaraq mövzular yox, ayrılıqda hər bir fənnin məqsədini, məzmununu, siniflər üzrə təlim nəticələrini, təlim strategiyalarını, şagird nailiyyətlərinin qiymətləndirilməsini özündə əks etdirən Fənn Kurikulumunun Ümumi təhsil pilləsinin ümumi orta təhsil səviyyəsində tətbiqinə bu ildən start verildi. Ənənəvi təhsildən şəxsiyyətyönümlü, şagirdyönümlü, inteqrativlik və tələbyönümlü olmağına görə seçilən Müasir kurikulumun ən xarakterik xüsusiyyətlərindən biri onun nəticəyönümlü olmasıdır. Ənənəvi təhsil proqramının əsas məqsədi fənlərin tədrisi idisə, Müasir Kurikulumun əsas məqsədi bacarıq və vərdişlərə malik şəxsiyyət yetişdirməkdir və bu məqsəddə fənlər sadəcə məqsədə çatmaq üçün vasitədir. Həm də kurikulumda şagirdlərin sonda əldə edəcəyi nailiyyətlər əvvəlcədən təlim nəticələri formasında göstərilir və bütün strategiya həmin təlim nəticələrinə çatmaq üçün qurulur. Müasir Kurikulumun əsas məqsədi yaşadığı informasiya bolluğu ilə təchiz olunan cəmiyyətin tələblərinə cavab verən, tənqidi, məntiqi, yaradıcı təfəkkürə malik, özündə istənilən sahə üçün tətbiqi zəruri olan müəyyən bacarıq və vərdişləri formalaşdıran və daim öyrənən, özünü təkmilləşdirən şəxsiyyət formalaşdırmaqdan ibarətdir.
Bütün bu və
ya digər tələblər Azərbaycan Respublikasının Nazirlər Kabinetinin 2010-cu il 3
iyun tarixli 103 nömrəli qərarı ilə təsdiq edilmiş «Ümumi təhsil pilləsinin
dövlət standartları və proqramları (kurikulumları)» dövlət sənədində öz əksini
belə tapmışdır:
·
təhsilin
məzmununu təhsilalanların və cəmiyyətin təlabatına, dövlətin təhsil siyasətinə
uyğunlaşdırmaq;
·
məzmunu
nəticəyönümlülük, şəxsiyyətyönümlülük, şagirdyönümlülük, inteqrativlik prinsipləri
əsasında müəyyənləşdirmək;
·
təhsilalanların
təlim marağını, potensial imkanlarını, sağlamlığının təhlükəsizliyini nəzərə
almaqla onlara davamlı inkişaflarını təmin edən, müstəqil həyatda lazım olan zəruri
biliklərin və əqli, informativ-kommunikativ, psixomotor bacarıqlarının
aşılanmasını təmin etmək;
·
təhsilin
məzmununa, şagirdlərin ümumi inkişafına xidmət etməyən, tətbiqi xarakterdə
olmayan, məzmunu ağırlaşdıran məlumatyönümlü məsələlərin daxil edilməsinə yol
verməmək.
Dövlət sənədində əksini tapan bütün
bu tələblərin tədris prosesində həyata keçməsi üçün müəllimin üzərinə xüsusi məsuliyyət
düşür. Standartlara əsaslanan nəticəyönümlü fənn kurikulumunun ugurlu tətbiqi
üçün müəllimlər şagirdlərin dərin və hərtərəfli bilik almaları, yaşadıqları
dövrün problemlərindən baş çıxarmaları üçün bilik və bacarıqlarını sərf etməklə
şagirdlərə nəinki bilik verir, eyni zamanda şagirdin gələcək fəaliyyəti üçün zəruri olan bacarıq,
vərdiş, dəyər və keyfiyyətləri formalaşdırır.
Fənn
kurikulumunun strukturu fənnin məqsədi və məzmunu, təlim strategiyaları, şagird
nailiyyətlərinin qiymətləndirilməsini özündə əks etdirir.
Müəllim, kompetensiyalara (kompetensiya-XXI əsrin tələbinə
uyğun şəxsiyyət yetişdirmək üçün, tələb olunan bilik, bacarıq, vərdiş, dəyər və
keyfiyyətlərin siyahısı) malik insanlar cəmiyyətini formalaşdırmaq üçün təlim
prosesində strategiyasını düzgün müəyyənləşdirməlidir. Təlim strategiyası – məzmun
standartlarını ödəməklə məqsədə çatmaq üçün təlim prosesinin məqsədəuyğun təşkili
və sonda real nəticələrinin qiymətləndirilməsidir.
Təlim
strategiyaları dedikdə təlimin təşkilinə verilən əsas tələblər, təlim fəaliyyətinin
planlaşdırlması, üsullar və iş formaları nəzərdə tutulur.
Təlim strategiyasını müəllim əvəlcə təlimin təşkilinə verilən tələbləri müəyyənləşdirməklə
qurmağa başlamalıdır.
Pedoqoji prosesin tamlığı - tərbiyə, təhsil və təlim proseslərinin özünəməxsus
spesifik xüsusiyyətlərini birləşdirərək ümumi bir məqsədə, yəni şəxsiyyətin
inkişafına yönəlməsi prosesidir. Müəllim həm tərbiyə, həm də təlimin üç əsas
funksiyalarının - təhsilverici (öyrədici), tərbiyəetdirici və inkişafetdirici
funksiyalarının təlim prosesində tətbiqinə diqqət yetirməlidir.
Təlimdə bərabər imkanların yaradılması - irq, cins, millət, hər hansı bir fiziki qüsur və sairə
amilləri nəzərə almadan təlim prosesində bütün şagirdlərə, onların potensial
imkanlarını nəzərə almaqla bərabər imkanların yaradılması prosesidir. Bu
prosesi sinifdə uğurla tənzimləyən müəllim şagirddə özünəinam hissi yaratmaqla
bərabər, həm də şagirdlərdə tolerantlıq, fərqlərin dərk edilməsi, təzyiq göstərmədən
çoxmədəniyyətli cəmiyyətin həyatında münaqişələri tənzimləmək bacarığı kimi
kompetensiyaları formalaşdırır.
Şagirdyönümlülük - şagirdlərin dəyişən və daim inkişaf edən
maraqlarını nəzərə almaqla və öyrədici, inkişafetdirici və tərbiyələndirici təlim
mühitini yaradaraq tələbatlarını ödəməklə,
onların istedad və qabiliyyətlərini üzə çıxarılması, potensial imkanlarının
aşkarlanması və müəllim tərəfindən inkişaf etdirilməsi prosesidir. Bu prosesi təlim
prosesində uğurla tətbiq edən müəllim, şagirdlərdə tək biliyi formalaşdırmır,
eyni zamanda onların potensialına və qabiliyyətlərinə uyğun bacarıqları
formalaşdırır ki, bu da şagirdlərdə həm peşə seçimini asanlaşdırır, həm də bir
çox həyati bacarıqlara yiyələnməklərinə şərait yaradır.
İnkişafyönümlülük - şagirdin idrak fəallığının sadədən mürəkkəbə
(siniflər üzrə) prinsipi ilə izlənməsi, nailiyyətlərinin təhlil edilməsi,
bilik, bacarıq və vərdişlərinin inkişaf səviyyəsinin tənzimlənməsi prosesidir.
Təlim prosesində bu tələbə əməl edən müəllim - şagirdin fəaliyyəti səviyyəsində
izlənən yüksəliş və enişi izləməklə şagird fəaliyyətinin zəifləmə nöqtəsini müəyyən
edir və zəifləmə səbəblərini araşdıraraq şagirdə mənəvi, psixoloji dəstək
olaraq irəliləməsinə şərait yaradır.
Fəaliyyətin stimullaşdırlması - şagirdlərdə təlimə marağı artırmaq üçün onların fəaliyyətində
bütün irəliləyişlərin qeyd olunması və dəyərləndirilməsi prosesidir. Bu tələbi
təlim prosesində reallaşdıran müəllim, şagird nailiyyətlərini izləmək üçün müxtəlif
yoxlamalar aparmaqla, şagirdləri ölkədaxili və beynəlxalq müsabiqə və
olimpiadalara cəlb etməklə, şagirdlərdə müvəffəqiyyətə inam, nailiyyətləri yüksəltmək
məqsədi, daha böyük nailiyyətlərə imza atmaq üçün səy və inamlı cəhd kimi fəaliyyətstimullaşdırıcı
keyfiyyətlər formalaşdırır.
Dəstəkləyici təlim mühitinin yaradılması - şagird üçün pedoqoji prosesdə münasib
maddi-texniki bazanın təşkili və sağlam mənəvi-psixoloji mühitin yaradılması
prosesidir. Təlim prosesində bu prosesi tətbiq edən müəllim, müasir tələblərə
cavab verən əşyavi mühit (sinifdə əşyaların, mebellərin şagird istifadəsinə
uyğun təşkili) yaratmaqla yanaşı, şagirdlərin müxtəlif öyrənmə vasitə və
üsullarından istifadə etmələri üçün əlavə resurslardan, tədris vəsaitlərindən
istifadəsini təmin etməklə bir sıra dəyər və mənəvi keyfiyyətlərin formalaşması
üçün əməkdaşlıq, ünsiyyət kimi bacarıqları yaratmaqla dəstəkləyici mühiti təmin
edir.
Təlim
strategiyasının qurulmasının digər şərtlərindən biri də təlim fəlaiyyətinin planlaşdırlmasıdır. Kurikulumda dövlət tərəfindən
şagirdin bilik və bacarıına qoyulan tələbə yəni, standarta nail olmaq üçün müəllim
təlim fəaliyyətini düzgün planlaşdırmalıdır.
Planlaşdırmanın 2
növü var:
1.
Perspektiv (illik)
planlaşdırma.
2.
Cari (gündəlik) planlaşdırma
Perspektiv planlaşdırmanı tərtib edən müəllim xüsusilə
bir neçə məqama diqqət etməlidir.
1). Tədris vahidinin və
mövzuların ardıcıllığını düzgün müəyyənləşdirməlidir. (Sadədən mürəkkəbə doğru)
2). İnteqrasiya imkanlarını
düzgün müəyyən etməlidir. (Fənndaxili və fənlərarası)
3). Şəraitə və sinfin səviyyəsinə
uyğun resursları seçməlidir. (Əlavə vəsaitlər və təchizat)
4).Şagirdlərin inkişaf və
qavrayış səviyyələrini nəzərə almaqla mövzulara uyğun vaxt bölgüsü aparmalıdır,
yəni mövzuların çətinlik dərəcəsinə uyğun ayrılan vaxt bölgüsünü özü azaldıb,
artırmalıdır.
İnformatika fənni üzrə I
yarımil üçün perspektiv planlaşdırma nümunəsi:
Ümumi təhsil pilləsində
tədris olunan hər bir fənnin özünəməxsus məqsədlərindən əlavə, ümumi məqsədlərindən
biri fənni müasir informasiya cəmiyyətinin tələblərinə uyğun tədris etməkdir. Müasir Kurikulum tətbiq olunan siniflərdə fənlərin Fəal (interaktiv) təlimlə tədrisi təlim prosesini şagirdlərin marağına uyğun qurmağa xidmət edir. Hər bir fənni tədris edən müəllim - qarşısında duran vəzifələri yerinə yetirməsi, fənin məqsədiniə nail olması və nəinki bu günün, hətta sabahın da tələblərinə cavab verən şəxsiyyət formalaşdırması üçün hər günün cari planlaşdırmasını düzgün qurmalıdır. Mövzuya uyğun düzgün seçilmiş təlim üsulları, iş formaları, Fəal dərsin mərhələlərinə uyğun qurulmuş məqsədli
strategiya, şagirddə idrak fəallığı
yaradacaq motivasiya, tənqidi, məntiqi, yaradıcı təfəkkürün inkişafına yönəldilmiş iş vərəqləri şagird fəaliyyətlərin düzgün izlənilməsi və obyektiv
qiymətləndirilməsi şagirdlərin təlim nəticələrinə daha tez çatmalarına imkan yaradır.
Cari
planlaşdırmanın sxemi:
Hər bir sinfin, bütövlükdə desək fənnin ümumi
təlim nəticələrinin reallaşdırılmasının
həyata keçirilməsi tədris prosesində is
formaları və üsulların məqsədəuyğun
seçilməsindən birbaşa asılıdır. Alt standartın təlim strategiyalarının xüsusi
ilə, tədris prosesində forma və üsulların düzgün seçilməsində mühüm rol oynadığını bilirik. Təlim prosesinin bütün
mərhələləri üçün səmərəli və vahid təlim forması və üsulu yoxdur. Tədris edəcəyi
mövzudan, mövzunu əhatə edən daha dogrusu alt standartın bilik və fəaliyyətini
özündə əks etdirən tapşırıqlardan, şəraitdən və sinfin anlaq səviyyəsindən
asılı olaraq iş forması olaraq müəllim kiçik və ya böyük qruplarla işin təşkilindən,
cütlərlə və ya fərdi işdən istifadə edə bilər. Məsələn, V sinif İnformatika fənninin
tədrisində «İnformasiyanın kodlaşdırlması» mövzusunda kiçik qruplarla işləmək
daha məqsədəuyğundur. Çünki, informasiyanın kodlaşdırılması üsulları çox
olduğundan bu mövzunun araşdırlmasında kiçik qruplarla iş formasından istifadə
olunsa hər bir kodlaşdırma üsulu haqqında şagirdlər tədqiqat aparmış olacaqlar
və informasiya mübadiləsi prosesində digər qrupları da tanış etmiş olacaqlar.
«Şəkilli mətnlər» mövzusunda şəraitdən
asılı olaraq cütlərlə işdən istifadə daha effektli ola bilər. Fikrimcə, tətbiqi
proqramların mənimsənilməsi və proqram üzərində praktik bacarıqların inkişafı
üçün bu iş formasından istifadə daha məqsədəuyğundur, çünki bu proses zamanı hər
bir şagird praktiki işdə öz bacarığını formalaşdırmış olur.
Təlim prosesində «Mənim şagirdlərim nəyi bilirlər?», «Onlar nəyi öyrənmək istəyirlər?», «Mən şagirdlərimin inkişafını təmin etmək üçün hansı üsulu seçməliyəm» kimi suallarla müəllim cavab tapmalıdır. Müəllim üsulları elə seçməlidir ki, şagirdlər yeni biliklər almaqla yanaşı, əvvəlki biliklərini sistemli şəkildə təkrarlamış olsunlar, əldə etdiyi biliyin tətbiq bacarığına yiyələnmiş olsunlar və əldə etdikləri yeni informasiyaları möhkəmləndirsinlər. Məsələn, İnformatika fənnində
bir-biri ilə sıx bağlı 4 məzmun xətti vardır. Bu məzmun xətlərinin tədrisində
klaster, söz assosasiyası, auksion, İNSERT, BİBÖ cədvəlindən istifadə şagirdlərin ilkin biliklərini
müəyyənləşdirmək üçün effektiv vasitədir, müəllimlər üçün isə bu üsullar
diaqnostik qiymətləndirmə üçün də effektivdir. Bu üsullar istifadə sinfin səviyyəsini müəyyənləşdirmək üçün və təlim
strategiyalarını təyin etmək üçün şərait yaradır. 3-cü məzmun xəttinin tədrisində
Venn diaqramı, semantik sxem, rollu oyun, təqdimat, esse, layihələrin
hazırlanması və sairə üsullardan istifadə etmək olar. Əsas şərt həmin
üsullardan istifadə zamanı şagirddə hansı bilik, bacarıq və vərdişlərin
formalaşmasına müəllimin diqqət yetirməsidir. Məsələn, tədris prosesində Venn
diaqramının tətbiqi zamanı şagirdlərin öyrəndikləri tətbiqi proqramları müqayisə
etmək, onların oxşar və fərqli cəhətlərini müəyyənləşdirməklə müqayisəli məntiqi
təfəkkürü inkişaf etmiş olur və sairə.
Müəllim, dərs
prosesində psixoloji mühiti lazımi səviyyədə qurmasıyla, müəllim-şagird,
şagird-şagird arasında qarşılıqlı hörmət, müzakirə zamanı irəli sürdükləri
fikirlərə hörmətlə yanaşılacağına inam yaratmaqla və hər bir fənnin özünəməxsus
təlim nəticələrinə nail olmaq üçün təlim strategiyalarınnı düzgün qurmaqla cəmiyyətimizin
etibarlı gələcəyi üçün şəxsiyyət yetişdirmək kimi şərəfli missiyanı yerinə
yetirmiş olur.
Hiç yorum yok:
Yorum Gönder